Ruta Castroagudín-Xiabre

Subida ao Xiabre desde Castroagudín

Unha ruta para gozar de magníficas vistas sobre a ría de Arousa, o val do Salnés e o tramo final do curso do río Ulla. O Monte Xiabre está situado fronte á ría de Arousa entre os vales do Umia e o Ulla. O punto máis alto ten 646 m. As rochas dominantes son os granitos. A maior parte do terreo está ocupado por piñeiros e eucaliptos de repoboación e as partes altas por pasteiros e toxeiras. No cume do monte Meda (onde están as antenas) conflúen os municipios de Vilagarcía de Arousa, Catoira e Caldas de Reis.