Ruta: Teixidal de Casaio

Teixidal de Casaio (Macizo de Trevinca)

Unha ruta duns 8 km, moito máis dura do que semella a primeira vista, para baixar por unha forte pendente, ao Teixidal de Casaio, situado na  vertente norte de Pena Survia, no estreito val do río San Xil, orientado ao norte. É un bosque único en Europa, formado por uns 300 teixos centenarios mesturados con outras especies, que ocupa unha superficie de algo menos de seis hectáreas. É unha reliquia da vexetación eurosiberiana que ocupou máis extensión no pasado.