Ruta: de Sanxenxo a Areas

Unha camiñada desde o centro de Sanxenxo ata a praia de Areas

Aproveitamos unha boa marea baixa para achegarnos a Sanxenxo e poder percorrer o litoral menos coñecido e menos visitado da súa contorna, para coñecer praias urbanas, sen apenas acceso ou pouco sinalizadas, comestas polos edificios ata máis alá da liña da marea, e zonas rochosas nas que valos de varios metros de altura, que se asentan en pedras que cubre o mar, sosteñen recheos de xardíns privados. Un paseo por un espazo en gran parte privatizado e irrecuperable para o uso público.