Ruta: Punta Nariga

Punta Nariga, na Costa da Morte.

Un dos moitos motivos para achegarnos á Costa da Morte pode ser o de coñecer a Punta Nariga, un lugar, no que ademais de gozar da paisaxe, se atopa un faro diferente, de deseño actual e recente construción, nun entorno onde o vento a auga e o sal labraron ao longo do tempo curiosas e chamativas formas nas rochas. Para gozar da paisaxe e as súas panorámicas, que abranguen desde o Roncudo ao Cabo do Santo Hadrián e as Illas Sisargas e da súa diversidade en formas e vida.