Ruta: Camiñando pola costa de Sada

Un percorrido a pé entre a praia do Cirro e Sada

Un roteiro para descubrir a parte menos amable da Costa Doce, o litoral do concello de Sada no que as rochas son o elemento dominante e forman unha parede continua, de cantís que nalgúns puntos superan os 50 m de altura, con incontables entrantes e saíntes e case ningún punto de acceso doado ao mar; un tramo de costa no que para acceder ás praias, das que as máis quedan mergulladas coa marea alta, hai que baixar escaleiras de máis de 70 chanzos.