Ruta: Bares

Un percorrido polo cabo de Bares: porto, faro, vila...

Achegámonos ao norte para gozar, nun pequeno espazo, de multitude de aspectos no natural, no histórico e no etnográfico.

A Estaca de Bares é o punto máis ao Norte da Península e divide as augas do Atlántico e o Cantábrico. É Sitio Natural de Interese desde 1933 e forma parte do  LIC “Estaca de Bares” (926 ha). Os seus altos cantís son dun grande valor xeolóxico e dunha gran biodiversidade. É un punto privilexiado para observar as migracións das aves mariñas e conserva muíños de vento e de auga. O Porto de Bares é dun grande interese histórico.