Ruta: faial de Fonteformosa

Fonteformosa (Pedrafita do Cebreiro)

Outono, finais de outubro e primeiros de novembro, son as datas ideais para gozar deste magnífico despregue nunha especie pouco común no territorio galego, polas súas esixencias ambientais, nunha das maiores e mellores concentracións de Galicia, na que o número de exemplares e a uniformidade do conxunto sobrepasan en superficie e beleza a todas as do seu contorno: o faial de Fonteformosa, no Courel (concello de Pedrafita do Cebreiro). O outono no faial e un prodixioso xogo de luces e sombras, de amarelos, dourados, laranxas e ocres; nas ponlas, no aire e no chan; que non deixan indiferente a ninguén.